കൊല്ലം നഗരത്തിലുള്ള രണ്ട് പ്രധാനപ്പെട്ട ബസ് സ്റ്റാൻഡുകളിലൊന്നാണ് ആണ്ടാമുക്കം സിറ്റി ബസ് സ്റ്റാൻഡ്. കൊല്ലം ഡൗൺടൗൺ ഭാഗത്തുള്ള ആണ്ടാമുക്കത്ത് സ്ഥിതിചെയ്യുന്ന ഈ ബസ് സ്റ്റാൻഡിനെ ആണ്ടാമുക്കം പ്രൈവറ്റ് ബസ് സ്റ്റാൻഡ് എന്നും വിളിക്കാറുണ്ട്. ചിന്നക്കടയിൽ നിന്നാരംഭിച്ച് നഗരത്തിന്റെ വിവിധ ഭാഗങ്ങളിലേക്കു പോകുന്ന സ്വകാര്യ ബസ്സുകൾക്കും കെ.എസ്.ആർ.ടി.സി. ബസ്സുകൾക്കും വേണ്ടിയാണ് ഈ സ്റ്റാൻഡ് നിർമ്മിച്ചിരിക്കുന്നത്. കൊട്ടിയം, മയ്യനാട്, ഇളംപള്ളൂർ, ശക്തികുളങ്ങര, ചവറ, തോപ്പിൽ കടവ്, പ്രാക്കുളം, കടവൂർ, പെരുമൺ എന്നീ സ്ഥലങ്ങളിലേക്കുള്ള ബസ്സുകളാണ് ആണ്ടാമുക്കം സ്റ്റാൻഡിൽ നിന്നു സർവീസ് നടത്തുന്നത്.